#NSS學校
[GUEST] 小女係S2，糾結緊一件事，究竟轉唔轉校好？
話說小女入黎嘅時候都想轉校㗎啦，但係我中一嘅時候遇到一個真係好鍾意好鍾意嘅老師，利申唔係愛情方面，仰慕嗰種。以及我S1真係過得好愉快，同學相處，老師相處方面都好好，所以就冇轉到啦。
但係小女S2嘅時候遇到班同學唔係太好啦，可能因為我讀開精英班，讀左差班有啲唔習慣（利申我唔歧視差班，以及我讀到差班係因為我上年真係唔想讀書）個個唔係用大陸app就係人品有問題或者藍絲（提前say sorry），以及真係有啲人喺ig鬧我，本人唔覺得我有咩問題要日日喺ig鬧。
以及老師教書都唔係咁好，本人真係有認真上堂，但係…-2+4=6🥲
其實我覺得呢啲都唔算大問題啦，本人都唔想理佢地。
但有兩個大問題。
第一，呢間學校嘅數理其實偏差，但係本人會想讀M1，bio以及多一科商科暫時未考慮好。假如本人繼續留係度，我驚我唔夠人地數理好，我讀大學都會想選讀商科，所以數底唔好都幾大件事。
第二，有老師人身攻擊我，話我醜，呢件事真係令到我有陰影，我宜家覺得任何老師都唔會鍾意我，都係扮嘢（本人其實容貌焦慮，小學都被攻擊過幾年）
或許你地會想講，既然係咁，就唔係考慮啦，直接轉啦。
但係我真係好鍾意好鍾意好鍾意好鍾意我呢個老師，我平時返學見到佢成日心情都會好曬，雖然咁樣講好似有啲對唔住我父母，但係佢係我心裡面穩居第一，我真係鍾意到佢爆炸（再次重複，唔係愛情方面）至於點解我咁鍾意佢就唔太方便講，有啲私人。
我應該點算好？究竟轉定唔轉好啊🥲🥲我真係好糾結希望大家可以幫幫我🥺🙏🏻🙏🏻
sor for1999