#NSS愛情
[九龍其中一間學校] 小弟今年中4，鐘意左個同班嘅女仔(A)，一直都好想同佢表白。兩個月前同幾個close friend講左我鐘意佢嘅事，佢地都俾左我好多嘅意見俾我，叫我要順住自己嘅心行，因為我起呢間學校淨低嘅時間無多，下年要去美國讀書。
一個月前我同左A表白，但係A拒絕左，話俾我聽我同佢做friend比較好。我個排唔開心左好耐，但係A話如果俾d時間俾佢就可以同我做返好好嘅friend。咁我就俾我同佢時間去冷靜。返學我地就好似當對方唔存在一樣，完全唔夠膽對望，更何況傾計。我d close friend都同A好熟，佢地一直幫我探路，問左A好多野，淨係希望我地嘅關係好似以前一樣。
兩個禮拜前，我同A終於講返野，講左我地嘅想法，我地之間就唔再係最熟嘅陌生人，而係好好嘅friend。返學都同平時一樣有玩有笑，我成日都會帶ipad返學，基本上我d同學都會攞黎用，但係A就用得最多，會睇我相簿、ig、fb，基本上咩都會睇，但係我唔介意。兩個禮拜前嘅A就好似同以前一模一樣，會搵我傾計、用我ipad，但係呢次我就冇俾佢用我ipad睇好多嘅野，因為我同我d close friend嘅對話內容都講左好多關於A嘅事，我驚佢又亂唸野。
一個禮拜前，小息嘅時間，我放低左部ipad喺班房，我就去左其他班搵人，返到黎班房嘅時候見到A嘅神情變左，佢都還返部ipad俾我。同一日，我個close friend話俾我知，A睇左我同d close friend嘅對話，話A覺得有d對唔住我同埋有罪惡感，覺得好驚訝我會咁樣唸佢。(我同d close friend嘅對話基本上都係講緊佢，大部分都係我唔想A崩潰同埋擔心A嘅感受，講左A嘅感受大過我嘅感受，所有嘅行動都要喺A嘅唸法嗰到行出黎。)
第二日我見到佢個close friend only account 嘅story，用左幾隻字嘅日文，因為我關心佢，所以我cap左圖去翻譯呢d日文睇下有咩幫到佢。直到我去翻譯呢d日文嘅時候，我見到嘅呢幾隻字嚇到我，見到翻譯出黎嘅幾隻字係「對不起我喜歡了你」，返去ig睇返A嘅story已經發現佢delete左個story。
究竟係我唸太多定係根本個story係另一回事？我好亂。