#NSS其他
[[Guest]] 大家好 小弟今年 F4 不經不覺間已經戴咗眼鏡四年（中一開始有近視）而家 近視 左： 300 右 ： 400 散光 50 度 喺呢四年間真係體會好深亦都領悟到啲人生嘅道理（咁講好似啲誇張 但請大家唔好 diu 我先 睇埋落去）小弟都係同大多香港嘅學生一樣都係鍾意睇youtube 打機 記得嗰時父母成日叫我唔好睇咁多youtube 打咁多機 睇咁多電視 佢話「遲啲要戴眼鏡㗎啦你 唔想變大近視就唔好用咁多屏幕產品 la 每20分鐘望吓遠嘢 休息吓呀 ！ 咁當然佢哋又會鬧我、阿爸有時勞氣得滯又會 打我 la…. 咁當然當年少不更事嘅我（絕非話而家自己好成熟 只係比當時識諗 ） 就會好唔鍾意甚至乎覺得有啲憎佢哋 …..
但過咗一年之後 我就真係畀佢哋講中咗 開始近視….初時都仲抱有「戴眼鏡啫 冇乜大不了」 嘅諗法 但隨住戴眼鏡嘅日子+近視嘅度數增加…..就開始明白當年父母嘅苦心….
不便 1 ： 小弟本身係一個好熱愛運動嘅人 鍾意打籃球 玩柔道同游水 但有近視之後唔係話唔玩得 不過會有啲唔方便 : 以籃球嚟講如果戴眼鏡嘅話有機會整爛副眼鏡同啲汗水有機會令副眼鏡移位 至於柔道就一定唔可以戴住副眼鏡…..如果係百幾二百度當然冇問題啦 但近視係有增無減 如果係三百度以上加上有散光 唔戴眼鏡去打籃球就會有啲吃力（其實唔止籃球 好多運動都有類似情況） 你可能會話…..帶con lor … 唔係唔得 但就麻煩咗 同埋如果係啲高強度運動有機會甩con Conclusion : 近視係運動愛好者嘅剋星
2. 就算你唔係運動愛好者…..日常生活都有勁多唔方便 簡單如食個火鍋或者熱嘅食物或者飲熱湯啲蒸氣都有機會飆曬上鏡片 令到你眼前朦朧一片 又例如夏天室內外溫差大 都會令你眼前朦朧一片
3. 靈活度大大降低 其實副眼鏡都幾易爛 小弟試過沖完涼要戴返副眼鏡 隻手濕跣一跣就跌落地下 即刻爛咗 又試過副眼鏡放喺張書枱度 細佬入嚟拎嘢一唔小心就推咗落地下整爛咗 之後佢就畀阿爸罰企+鬧咗一餐+打咗一餐 阿爸話 「你知唔知道阿哥冇咗副眼鏡幾慘？」 「 有得配返㗎嘛…..」「 有得配返都要等幾日 幾日冇眼鏡好慘㗎 」 冇錯！對於近視嘅人來講冇咗眼鏡真係搞唔掂 記得有一次考試 朝早臨出門口竟然搵唔到副眼鏡 眼見就嚟遲到 只好照衝出門口 真係好慘😓😓 要耷低頭咪住對眼睇題目 隻眼超攰 我真係寧願嗰日係冇帶計數機 唔係冇戴眼鏡 冇咗計數機 大不了手計 但冇咗眼鏡就真係慘不忍睹啦…..
總之戴眼鏡就係好唔方便啦……我以過來人嘅身份奉勸大家 ： 真係要好好保護對眼 同埋千祈唔好覺得你父母好煩
佢咁做都係為咗你好 所以我都好感謝我當日阿爸用藤條打我 打醒我 令我驚一驚 冇咁放肆 唔係我而家應該真係過千度（絕非鼓勵父母體罰） 我阿爸用嘅方法未必係啱 但佢所帶出嘅道理一定係啱 雖然而家科技發達嘅年代 好難完全唔用屏幕產品 但大家都應該要識自律 唔好用太耐 間中就要望下遠嘢 休息下
大家真係要好好守護自己嘅靈魂之窗 – 眼睛
多謝大家 希望今日嘅故事可以啟發到大家