#NSS其他
[Guest] 我想知對朋友呷醋係咪好唔正常，甚至係病態:)
小妺今年中二，由小學開始人緣已經差，又唔埋堆，所以嗰陣真係剩係得啲hi-bye frd,升到中學都冇小學同學有再特別聯絡😂
咁我係中一個陣好啲，因為個個都唔識大家，咁我都有多啲機會去識朋友，當然係嗰陣時來講係成功嘅，即係起碼放學假期嗰陣會傾吓計咁，都有個同班同學因為住喺同一個屋苑而變咗best frd(A)，每日返學放學小息都黐埋一齊，其他同學都知。ig bio都有tag我。
但個問題係暑假升中二(or停課期間，總之就係大概嗰個時間，我都唔記得太仔細😂)嗰陣就嚟啦。暑假有段時間唔知點解，A突然對我好冷淡，講嘢有骨咁，已讀不回，就算覆都係hea覆🙂但我睇返啲對話內容，我完全冇激過佢，而且我哋都冇約過出街，所以都唔會因為我唔小心講嘅嘢激嬲佢🤨但A成個人就係好似變晒咁。
到咗九月開學，嗰陣佢開始好返少少，起碼變返以前嘅A，咁我就繼續放心同佢傾偈啦。
點不知一復課，好似又變返另外一個人，對我好冷淡，禮拜一至五放學嗰陣我哋都有喺ig/wts講嘢，好似好正常，但去到禮拜六日嗰陣佢又對我不理不睬咁，msg有時又已讀，連續幾個禮拜都係咁🤷🏻♀️就算喺學校上堂喺埋一齊嗰陣都冇同我講嘢🙂
有次嘅體育堂，個老師要佢哋嗰班嗰啲人分散去我個班度排隊，因為我哋係分學號排隊嘅，咁我以為佢會過嚟我度。點知！佢竟然去咗隔離隊🤯個下我真係心碎左…仲要睇住A同其他人有講有笑⋯⋯個心真係好痛⋯⋯
個日A要整學校啲活動，話陪唔到我返屋企，咁我都知佢要食完飯先再整，我就話想陪佢食飯，佢都應承咗。嗰日最後一堂我係特別室上堂，遲咗少少落堂，真係好少，我放學仲要即刻飛落去搵佢。但我落到去嗰陣發現佢冇等我，我仲要on99咁喺嗰度等佢🙂wts完A先知嫌我耐得滯，冇等到我，自己同班frd去買飯先🥲之後見到佢同班frd有講有笑咁拎住盒飯返嚟，我就好似跟尾狗咁行埋去佢度，唔死心地諗住去學校買飯同佢一齊食，但佢好似唔想理我咁，我就同佢講聲bye bye，話佢聽走先，然後就走咗，但佢竟然連bye bye都冇同我講！好似完全唔知我走咗咁🤷🏻♀️我行返去嗰陣完全係忍住眼淚返去，返到屋企即刻爆喊🥲勁委屈…
之後嗰個禮拜A都話想早啲返學校，就冇同我返學，係再過幾日之後，我開口話想佢陪我返學，先同返我返學。
咁之後又再停課啦，唔知點解又變返正常喎🤷🏻♀️又變返好似F1嘅日子，日日都不停傾偈，其實真係好開心。
但開心嘅日子真係好快過，係一月嘅最後一個禮拜，佢同其他一個佢嘅同班frd(B)frd咗好L多，B又成L日tag佢po story,A又不停repost同佢玩，同埋不停po佢兩個啲對話上story🙂而我就好似俾人拋棄咗咁。。。
上面咪話我哋冇約過出街嘅，其實係因為A話湜佢媽咪唔俾佢出街，咁我問咗幾次之後都冇再約過，費時佢覺得我煩啦。
最離譜嘅事係喺考試嘅最後一日，咁考完試嗰陣我知道正常人都會約朋友出街，我都想約佢，但我知佢媽咪一定唔俾，所以就冇問佢，唔想佢覺得我好噚氣。但佢竟然同B同埋另外一個frd一齊出街🤯我問返佢先知嗰日佢媽咪俾佢出街，但佢冇同我講過。。。見到佢story先知。。。見到佢同其他認識時間短過我嘅人咁friend咁出街玩嗰陣，但我一次都冇試過。我嗰日真係由朝喊到晚，好似癲咗咁去follow d憂鬱症有血照嘅ig acc.
我有好似講笑咁話A聽我呷醋，佢好似不以為意咁⋯⋯反而話我有新朋友…
係，我係有新朋友，但A先係我識得最耐，我最想珍惜嘅朋友，最唔想佢成為其他人嘅best frd嘅朋友…
我想知其實我咁樣係咪好病態😩同埋我可以點做😭我真係唔想再變返以前小學嘅邊緣人…
(btw我個班嘅係完全冇乜係我想去識😬我真係唔識同成日講書面語，而且冇共通點嘅同學做朋友🤦🏻♀️所以都唔使叫我去識我個班啲人🧎🏻♀️
Sorry for 1999🧎🏻♀️🧎🏻♀️🧎🏻♀️