#NSS學業
[GUEST] – 小妹今年中三，有個堅持咗10年嘅夢想。
– 我由細到大都想從事一啲創意/美術類嘅工作，講白啲大概就係設計師/插畫家之類啦。我小三就知道中三要揀科，為咗可以讀va，我練好多唔同畫畫媒介，一直維持到而家。話哂到練咗咁耐，都唔會畫得差嘅，都有攞獎嗰啲啦。
– 到小六揀中學，我都確保嗰間學校有得揀va我先報。唔知係咪天意弄人，去到我中二學校就取消咗va做選修科。我成績又一般，佢又未必畀我自修。
– 我嗰刻真係好灰，我有諗過放棄，揀返我擅長嘅科目，將來踏踏實實打份工算。但我好清楚咁樣真係唔適合我，加上我始終唔想放棄。
– 唔知會唔會有過來人可以畀啲建議我呢？我應該對現實屈服？定其實我要轉校？google見到有人話唔讀va都有機會可以讀到大學設計課程，又係咪可行呢？
– 最後奉勸各位小六弟弟妹妹認真揀間合適嘅中學。預祝中三嘅各位揀到自己心儀嘅科目。中六嘅dse加油。香港人都要加油。
Sorry for 1999.