#NSS個人
[港島區某中學] 感謝admin出post
是咁的
小弟有班死黨 由f1識到而家f4
雖然而家唔同班 但係日日放學都會等埋一齊返
問題就係喺呢度
我哋7個人 咁放學會一邊傾偈一邊行返去
但係佢哋偏偏好鍾意一字排開咁慢慢行
咁香港啲路又唔係特別闊 人口密度又高
明顯地會阻住前面&後面嘅人
小弟都唔係冇提過佢哋
但係佢哋又唔聽 結果得小弟一個行喺佢哋後面
6個人依然阻住條路
就算對面有執紙皮婆婆推住架車仔行過嚟
都唔分開 癡埋一齊 就算得我一個道歉都冇用
真係好對唔住啲行人
除此以外 唔知係咪因為每次都行喺佢哋後面
有好多嘢佢哋都唔同小弟講
話「講咗你都唔明發生咩事㗎啦」
咁亦都的而且確係事實
而家感覺除咗麻煩咗好多人之外
我哋之間嘅友誼都開始出現問題
雖然小弟好重視呢班死黨
但係小弟都唔想為咗迎合佢哋而麻煩到街外人
小弟已經放棄咗說服佢哋
唔知佢哋會唔會有自覺呢篇文係講緊佢哋
亦都唔知會唔會有其他人有同感
btw多謝睇到嚟呢度嘅各位