#NSS學校
[GUEST] 今年嗰班有個極煩同埋好自來熟嘅同學 真係頂唔順佢🥲
首先啦佢一開學就無啦啦成日喺度摸人 真係勁核突囉 唔理係男定女都摸 佢成日篤同學 又捧住人哋塊面 佢唔知點解會喺後面攬住個同學抱起佢 佢份人勁自來熟 三唔識七都摸人哋 真心覺得好嘔心 我哋好多人同佢都唔熟佢就突然間咁樣做 我哋班有個男同學 佢身材比較優越 跟住呢位同學就成日摸人哋嗰啲身 人哋同佢唔熟佢就無啦啦搭膊頭跟住又摸人地 我哋班好多人因為唔識點拒絕或者唔好意思 所以縱容咗佢好耐
第二就係佢上堂勁大聲講嘢 成日又唔聽書 就不停咁問佢附近啲同學 跟住又不問自取 我哋班有個同學佢喺黑板寫緊嘢嘅時候 呢位同學就突然間搶咗人哋支粉筆 跟住平時唔做功課嘅時候問人抄答案直接拎 真心冇禮貌 然後呢位同學好八卦 不停咁問人哋啲分 人哋唔想講都迫人哋講 又勁幸災樂禍 成日話人哋抵死
大概就係咁樣我哋實在太多人容忍唔到佢🥲 我哋應該點樣做 我哋其實有拒絕佢但係呢位同學面皮實在太厚了…….
Sor for 1999🙏 thx admin🗣