#NSS愛情
[GUEST] 小妹form 2，係form1由於某好長既原因開始去留意a（男）， 發現佢幾幽默，生得又唔差，幾高下（now 173？btw我目標190） 有一次補習社放學，發現a同我住同一棟，係我樓下，我仲反覆確認咗一次。
後尾好似慢慢又注意到a，問左friend之後覺得自己鍾意佢，就開始whatsapp追， btw無明講
過左一排就feel到佢都成日望我 ，果陣其實都幾開心。過左無耐我d friend又勸我表白，我就同兩個friend討論計策（我地係四個人玩，無同其中一個人講，因為佢好漏秘密btw佢知我追緊a）
有一次小息我同兩個friend傾計劃被果個成日漏秘密既friend聽到 ，好嬲我哋冇話畀佢聽，然後就氣匆匆跑入咗班房同a講咗 ，然後a就一個眼神望住我，我果陣時真係尷到阿媽都唔認得。
唔知點解突然就唔想表白唔想追a，然後又同果個漏秘密friend絕交（後面好翻although 佢無認錯），亦都無再追a ，後面疫情無lala黎左就同a無見。
到今年form2唔同班就無同佢講過野， 但每日朝早喺樓下等車都會見到佢，成日望佢，但係如果畀佢見到我望緊佢我會目無表情望返另外一邊，好似只係偶然咁
今年過咗幾耐我同佢喺車站對視既日子就有幾耐，一直都好疑惑自己鍾唔鍾意佢 ，一方面真係冇同佢講過嘢，一方面我好懷疑自己只係嵌入咗form one美好嘅回憶，亦都唔清楚佢嘅性格。
本身就好疑惑嘅我因為身邊friend分咗手（原因係佢兩個人都未搞清楚自己鍾唔鍾意對方，只係好感，就係一齊左）變得仲驚
今日下晝我個friend send咗篇post畀我內容係話”判斷你鍾唔鍾意嗰個男仔，就睇你肯唔肯同佢咀”我當時睇完內心其實都好懵 有因為冇咁嘅經歷
我同我個friend講返之後佢叫我想像下，a同人哋喺床上面碌我會點？我第一個反應係真係勁嬲勁想上去打對方，我都畀自己個諗法震驚咗
然後我又諗咗諗我班上唔熟但係生得顏值level同a差唔多嘅同學壁咚女仔，嘴埋，加埋喺床上碌，我嘅反應都只會係 omg 嗰一瞬間真係好懷疑，唔通我真係鍾意佢？？