#NSS愛情
[ghs] 請不要show學校名
我讀緊中學，鍾意咗一個男明星，唔係普普通通鍾意明星嘅感覺，以前都冇呢種感覺，而家直程係想同佢拍拖嘅感覺，真係好鍾意佢好想同佢結婚，我每一日都喺度睇佢啲嘢，搞到自己學業上越嚟越差，測驗都唔想溫，成日都會限住自己唔可以成日睇佢啲嘢，但係又忍唔住，變咗全日都浪費咗，我仲會成日幻想同佢識咗之後嘅人生，一諗起佢就會成日喺度傻笑，但係當我一諗到其實我冇乜機會識到佢，一切嘅幻想都唔會成真，就好唔開心好唔開心咁喺度喊，感覺就好似失戀一樣，但係第二日又會正常返又鍾意佢，又開始幻想我同佢一齊嘅情景，真係好奇怪，自己聽落都好傻婆，有冇人有同樣嘅經歷，可以幫下我脫離呢種感覺，或者幫我諗吓點樣可以追到個明星，令佢變成我個男朋友