#NSS個人
[GUEST] 最近煩緊好多野 心情越嚟越崩緊
唔知應唔應該講 講完會唔會比人笑
見到我爸爸媽媽健康一日差過一日 我每日對住個窗只有細細聲喊 喊足成個暑假 一日心情差過一日 夜晚嘅時候成日諗呢個世界空間有限 唔係吓吓都容納到咁多人 所以最後個個都會死 咁長痛倒不如短痛 係呀 但一諗起佢哋依家已經好大壓力 無論身心 健康都好差 我作為佢哋嘅女 更加要愛惜自己 唔好比佢哋擔心 因為我好明丟下身邊嘅人走咗去有幾自私 所以我情願佢哋死先 都唔好傷心成世 見到佢哋日日食煙 我做到嘅只有勸同喊 但依家大個咗唔知點解就係唔敢講出口 有同細佬商量過不如勸佢哋戒咗佢啦 最後佢叫我「唔好嘈喇 我打緊機 之前講過佢哋唔肯無辦法」呢度畢竟係兩條生命
見住我血壓高又係工作狂嘅媽 差唔多生命盡頭仲攤喺醫院床打字 處理打官司 佢血壓高 大概係因為佢成日食煙加上工作壓力大 最心痛係佢處理緊嘅嗰單官司係關一個物業事 而贏咗就攞返啲錢 輸咗咪蝕咗一大筆錢 總之唔處理好佢就冇得移民 佢告嘅係我公 即係湊大佢又背叛左佢嘅爸
見到爸爸媽媽為咗移民 為咗要比我哋更好嘅將來 佢哋都可以不顧一切犧牲自己嘅健康 生活 金錢 等等 我做到嘅只有唔好比佢哋知道我唔開心同想離開 我做到嘅只有珍惜眼前人 讀好d書大個報答番佢哋咁
小妹今年中三 仲要考慮揀科嘅野 雖然前嗰兩年已經好認真讀書 但今年要揀科 所以我真係好專注好專注學習
(幾日前）
但成日喺度諗咁認真做咩 下年都去英國 不如趁個暑假趕緊溫吓佢哋core考試內容算啦
因為我去到已經year 10 感覺好似點都係爭人哋一年year 9 課程 就算追番啲進度 都好似已經輸咗起跑線 但我唔想放棄
今次投稿除咗想問點算之外 都想分享吓我嘅個人感受 發現人嘅可以好快就結束 好想有個人比我攬實 有個人比我吐心事 有個人佢唔會將件事講出去同時做到安撫我心靈 呢排部份時間鬱喺屋企好多野收收埋埋唔肯講 越積越多越辛苦 唔想爸爸媽媽咁早走
最後都講句Sorry 4 1999啦