#NSS學校
[guest] Admins plz po ig thx
sorry for 1999
有冇人有同樣嘅經歷或者可以同我講我可以點做🙇🏻♀️
小妹今年中二，喺中一嗰時同一位男同學嘈交(下稱A)，令到我極度憎佢，直情係街頭見到佢，會毫不猶疑咁掉頭走，但係令到我嘅日常生活作出以下嘅改變(比我揀多次我都會咁做，係有啲困擾咁):
1. A住喺我屋企附近，平時搭車返學都會見到佢，但我寧願行半個鐘返學都唔想見到佢。
2. 我有啲朋友都係A嘅朋友，而有時我啲朋友會同A出街再po story，我知呢個係人哋個ac，但我憎佢嘅程度已經去到我想unfol我個朋友，但只係因為咁而做又唔係幾好，所以我最後選擇冇咩事唔會上ig睇story。
3. 我間中學一級有4班，我同A喺唔同班，但係英文呢科有啲特殊，佢會另外再分多次班，即係英文total有3班，而其中一個英文班可能有哂abcd咁多班嘅同學。而分完之後，我係同A一個英文班嘅，我會盡量希望唔好同A有互動，甚至望到佢一眼都唔想，但係佢今日咁啱喺我隔離行過(我坐底)，我發現自己成個人僵哂，唔敢同佢有眼神接觸，個心仲要緊張到跳得好快(但係自己又唔係驚佢)
4. 有時喺屋企見到某啲物件，我會諗起同A嘅相處，搞到我嬲到喊咗出嚟，我係唔知點解憎佢憎到咁，更加唔知喊咩，我覺得自己好奇怪，唔知點解自己會咁。
我有時都好想搵屋企人傾心底說話，但我又驚屋企人擔心我，同埋我由細到大都唔鍾意人哋關心我啲唔開心嘅嘢，但又好想搵個人講出嚟，總之我都唔知自己想點。
我有諗過搵社工傾下計，但係我又驚社工同屋企人講，同埋搵社工傾又好似對自己冇咩幫助，更加唔想學校搵我同A當面傾計。
可能你會叫我搵朋友傾下，但係好真係好驚好驚件事搞到全級都知(件事得好少少少人知)，我真係唔知身邊嘅人會唔會講出去，唔知佢哋係咪真係當我係朋友，更加唔知佢哋會點諗我。
我打呢篇嘢都唔知可以點，其實我唔想自己再係咁奇怪，我唔想再無啦啦喊。
打呢篇嘢嗰時我都喊緊，可能有啲語無倫次，btw多謝你睇到呢度。