#NSS愛情
[Guest] 小弟今年f3，前一排第一次擺脫A0嘅身分，但係同對方冇耐就分左手…
講返對方係個點樣個人先啦，我同佢係小學識嘅，依家加加埋埋都差唔多算係識左7/8年左右，某程度上係青梅竹馬。佢係個都幾靚女嘅女仔黎嘅…唔係話高但都唔矮，身材都幾正。同佢真係開始熟係畢左業之後，因為我就係喺畢業之後冇耐先發現自己原來鍾意左佢，咁就同佢慢慢有左交流。跟住去返差唔多二月幾個時候，佢同我表白，話佢其實都對我有feel，咁我梗係好開心咁就應承佢啦。但係問題黎了，一開始同佢都拍得好開心，佢會間唔中就搵下我打電話同我分享下日常，而我都仲覺得接受到。但到後來就覺得佢好煩。成日都搵我打電話，跟住仲同我呻佢自己有啲乜嘢煩心事，真係超級煩，完全唔知佢想表達乜嘢要我比乜嘢反應佢，仲要唔係撞正睇波就係我打機嘅時間。日積月累我覺得我真係忍唔住，就同佢講左分手。
但最近諗返起佢，又覺得好掛住佢，佢真係對我好好，又送禮物又成日關心我。冇左佢真係覺得生活好似突然少左啲嘢咁，如果我依家想追番佢仲有冇辦法？
（sor for 1999