#NSS個人
[Guest] （sorry有啲多字🥲🙏🏻）
小妹係一個唔social嘅人，性格可以話係古怪，成日勁尷尬又dead air，最熟得一兩個frd，啲人成日都話朋友唔需要多，最緊要真心，但友誼真係好脆弱，可以話冇就冇。
我曾經有一個朋友係好熟好熟嗰種，乜嘢都可以講一餐，但自一次出街之後就突然之間冇再講過嘢，我完全唔知發生咩事，見佢Story好似係暗示我背住佢講佢壞話，但我完全冇做過（？？）因為根本除咗佢，冇人會聽我講呢啲。我試過問佢，但佢冇睇我message，亦知佢唔會睇，所以我冇再追問。
我唔係一個收收埋埋嘅人，我見佢冇再覆我，已經feel到有啲唔對路，所以開咗個冇人fol 嘅pv ，講自己嘅感受，暫時「取代」咗佢。直到今日我發現佢直情delete咗我following，原本過咗幾個月冇朋友嗰種感覺又返返嚟🥲當刻好想搵人傾偈，而唔係喺pv同自己講嘢，但我發現我根本冇呢個對象，先激發到我打呢篇文🥲
打到呢到已經離題，本身諗住問有冇人有差唔多嘅經歷，變相一直講自己🤣不過如果有班識咗好耐，好啱傾嘅朋友，一定要好好珍惜，呢個世界唔會有永遠，所有嘢都有消逝嘅一日，只係在乎時間嘅長短。
見到啲人有幾個同佢哋癲，陪佢哋傾偈嘅friend，真係會覺得佢哋好幸福同埋羨慕🥲不過可能得我先有啲咁奇怪嘅經歷😂
感謝睇到嚟呢度嘅你～🤎
（Sorry for 1999+文筆差）
Thanks admin!!