#NSS個人
[LSK] 是咁的，小妹 f3，畀情緒問題困擾左好耐
我屋企又唔係話冇錢，但又唔係話有錢，總之夠生存到，上左中學之後老豆老母唔會逼我死讀書，除左我燥底發癲嗰陣會鬧爆我之外，其他都OK。朋友少 ，同朋友一齊嗰陣又真係幾開心。有開追星，見到自己idol嘅相都夠我開心一陣。
但就係有種.. 唔開心、負面嘅想法，直接啲講就係想死，唔知生存有乜意義、點解老豆老母要生我落嚟、到底為乜努力.. ？可以話我係唔滿足嘅，聽其他人講因為喺學業上畀人逼得好緊所以壓力好大，但我明明冇人逼我，我意義上幸福過佢地，我都係過得好辛苦，毫無原因地嗌攰。就咁，又捱過左一年。
認認真真地諗過自殺，又驚死唔去，驚浪費救援資源，驚嚇親一啲唔關事嘅路人..
搵過社工，嗰一句「我好攰，我想睇心理醫生我想食藥亅一直講唔出口。
試過自殘發洩，幾好嘅，不過畀老母見到，佢鬧我，仲恐嚇我話「你再咁我報警㗎亅。成件事好好笑，所以永遠唔會著短袖自殘。咁樣其實更辛苦，一直以嚟都係自己收收埋埋，廢時搞到身邊嘅人唔開心。就連一句「我好辛苦」都up唔出，崩潰到喊又唔敢喊出聲，一直一個人，自己處理呢堆情緒問題，先至發現一個人根本無能為力。
我可能都算得上係正面，如果唔想努力就咪鬼努力，攰就休息，幾時死就幾時死，用等死嘅諗法生存落去😌一個人其實幾好吖，抑鬱都冇錯，就咁sad落去，就咁喊落去啦，乜都冇所謂，反正出唔出世已經冇得揀。只係有時呢個世界會逼你努力，咁咪認命囉，鬼叫我地出生喺咁荒謬嘅世界咩…
唔知有冇人有同感呢
「再等多一天亅
sorry for 放負&1999&冇頭冇尾