#NSS個人
[GUEST] Admin plzz post🙏🏻🙏🏻
或者根本唔屬於呢個世界 又或者我根本唔適合做人 由細到大都成日俾人鬧 但係我又唔想俾人知道我真實嘅情感 所以我成日自己喺屋企對住塊鏡練習點樣笑 久而久之我成為左人哋嘅開心果 但剩係得我自己知自己越嚟越唔開心 小學嘅時候 有一班friend一齊玩 但係因為一個我自以為同我好friend嘅人 我嘅校園生活變得唔再開心 小一嗰陣玩開班friend因為佢一啲惡意嘅言語而疏遠我 我身邊冇晒朋友 只可以做隻跟屁蟲日日跟住佢 小五小六都同佢同班 佢冇因為咁而更加照顧我 反而夾埋其他人一齊bully我 慢慢我有一個身邊有一班朋友嘅人變成一個學校嘅邊緣人 我每日返到屋企都唔敢同屋企人講 驚佢哋因為咁而擔心 由小學開始我學識咗強顏歡笑 係所有人面前扮堅強
本以為小學嘅生活完結可以令我走出呢一個令我唔開心嘅生活 點知去到中學都係咁 每一年每一班我嘅朋友五隻手指可以數得晒 又要每一年都經歷俾人係背後講壞話嘅問題 或者因為我性格嘅問題 我經常有個句講果句 所有事都寫晒係塊面度 令到好多日憎左我
就算發生咩事都好 我都會喺屋企人面前扮到冇事發生咁 我唔希望我嘅情緒波及到佢哋 但係冇諗過佢哋將生活上所有嘅壓力煩惱 都轉化為一啲傷人嘅字眼鬧我 令覺得自己係一個出氣筒 阿爸阿媽因為工作上有好多煩惱 返到屋企就好容易挑啲小事黎鬧我 而我阿哥又好鍾意差埋把口一齊鬧我 令我覺得全世界都以我為敵
阿媽成日都因為好小嘅事鬧我 沖涼沖左半個鐘 啲頭髮跌咗落地冇用吸塵機清理等等 喺學校學仲有啲成日發癲嘅老師攞同學嚟出氣 有一次我哋考試 隔離班未考完所以佢過嚟叫我哋靜啲 我哋已經唔係大聲咁嘈 但係佢突然間入嚟鬧人 之後仲好大力咁砰埋我哋班嘅房門 之後班房門莫名其妙地lock咗 咁我咪諗住去又大大力閂一次 睇吓道門會唔會唔小心lock咗令到下一個監考老師入唔到班房 但係佢解讀我嘅行為係串佢 仲的左我出班房鬧我唔尊重佢 啲同學仲同我講話佢顛顛地 成日都係咁 叫我唔使放喺心入面
係屋企 我有一次用消毒藥水消毒出過街嘅隨身物品 嗰陣唔小心有啲消毒藥水散落左係地下 而我唔知道 我阿媽行過唔小心跣低 之後我即刻好緊張咁問佢有冇事 我得到嘅答覆係我有潔癖 而呢樣嘢令我害咗佢 我一直都唔明白而家疫情嘅關係鍾意乾淨啲有咩問題 而根據我阿媽嘅說話 鍾意乾淨呢樣嘢係一種病態 究竟係咪真係我嘅問題呢 我真係唔知 之後我諗住幫阿媽做家務黎氹番佢 佢自己用熱水淥親隻手 又怪話我令到佢咁
每日都要過啲咁嘅生活 追韓星同打波係我唯一減壓嘅行為 但係呢啲嘢都比我屋企人禁止 話會影響學業 經常令到我崩潰 夜晚偷偷地一個係張床到喊 或者忍唔住係佢哋喺度嘅時候想喊 就沖入廁所 塞啲紙巾係個口到令自己唔好發出任何聲音 有時我真係覺得自己好可悲 唔想係呢個世界繼續生活落去 大家有冇啲方法可以舒緩我呢種諗法？
Sorry for 1999🙏🏻
會接受大家嘅意見 但希望大家唔好鬧我鬧得咁勁🙇🏻♀️