#NSS愛情
[[GUEST]] admin pls po ig 😬🙏🏻
我今年17，男朋友22，拍咗一年左右拖。我年半前喺樓下籃球場識佢。嗰時我15歲尾，小學畢業左3年幾，諗住趁假期落去樓下籃球場打波，但係因為小學之後再冇打過波，啲球技都好生疏。練左幾次，我每次都見到佢係我呢邊個場或者隔離場打緊波。 佢有一次仲要望到我帶波帶得太爛，一對一教咗我個幾鐘。
有一次我想跟街場啲隊打，但係我怕出糗，一直唔敢主動過去打。有一日咁啱佢哋嗰邊差個人，跟住佢就主動問我過唔過去打。我好驚咁拒絕左佢，但係佢就話唔使驚，佢可以同我一隊carry我。
打嘅時候其實佢真係係咁餵波比我射，雖然我射唔準，但係佢都會話good ball good ball。嗰日仲要中波餅，中額頭，之後我就暗着個額頭，佢竟然行過嚟摸一摸我個額頭，問我痛唔痛。嗰下之後其實我真係好似愛上咗佢，佢三個月多啲之後表白，我亦應承左做佢女朋友。
呢排我少咗落去打波，但係佢就一路都有固定落去打波。因為其實我係屋苑球場，我可以喺樓上望落去。呢排有個女仔同佢哋跟隊嗰班玩得好埋，仲要同我男朋友痴身痴勢，又搭膊頭，仲要買埋嘢飲比佢，男朋友又唔抗拒。其實我有落過去一齊打，但係咁啱嗰個女仔又唔喺度。
(ps 自己冇樣冇身材 個女仔幾靚女
我有打過比我男朋友，問佢呢排打波點。佢就話有個女仔嚟同我哋一齊打緊，球技又唔錯…. 等等等等一切讚美嘅詞彙。我應唔應該同佢坦白講我好驚…
sorry for 1999🤥