///////////////

#NSS其他

[///////////////] 小妹今年中1，之前同一個女仔好friend好friend ( Gloria )，總之好到咩都傾餐飽 但係佢係我差唔多開學個陣過左幾個月就絕左交-
其實我哋由幼兒園(N班個啲)個陣已經係同一間，不過當時我哋唔係好熟，同埋佢都有自己啲Friend，上到小學個陣佢問我係唔係讀XX，知道左先知。

我同Gloria 喺小學2年級個陣拉丁舞堂就開始慢慢熟，跟住喺3年級之後就一齊同一班去6年級。

喺差唔多3年級個陣我哋就同埋幾個friend日日一齊玩，小息個陣圍埋一堆交換嘢食咁。不過當時我依然同佢最FRIEND，以為我哋嘅友誼會好最久，點知喺5年級個陣有日佢突然唔理我，仲有個幾個friend都一齊唔理，佢就好似個啲大佬咁話唔理就唔理，個幾個朋友就一齊跟住
因為我有啲乜嘢唔開心都會同父母講，所以同佢哋講左成件事之後佢哋就叫我唔好理佢哋住。

因為開學個陣佢問我想參加啲乜嘢，我由幼稚園個陣就參加左童軍，我就同佢講我參加呢個點知佢又跟住參加，不過我都開心嘅，起碼有個伴……不過其他個幾個friend就唔去
喺佢唔理我個陣，我都冇乜點理佢，直至去到童軍嘅時候佢就痴埋黎搵我傾計，個陣我好天真，以為佢想同返我玩，就中左佢計，去到第二日我搵佢玩個陣佢就同以前一樣冇理我。

我問佢:「其實點解你唔理我?我做錯啲乜，令你突然唔同我玩?」佢竟然咁答我:「因為你之前舐我個書包，我阿媽話你搞到要洗過個書包，同埋佢叫我唔好理你」(真相係坐旅遊巴去旅行個陣，佢攞起個書包個陣整到我個口搞到我整到佢個書包) 覺得噁心個個應該係我囉，你個書包日日攞落地下，我而家仲要X到你個書包。喺小息個陣仲要講我啲秘密出黎，啲同學聽到之後仲要O哂嘴咁。
最後竟然再我講對唔住同返佢哋玩。

我哋好返個陣我介紹左隻GAME比佢，個隻GAME我玩左好多年，諗住同佢一齊玩，我哋一有時間就一齊call住玩
不過有時我表妹搵我玩我就冇同佢玩，佢可能覺得好悶，冇人同佢玩，直到佢啲另外啲friend同佢講佢都有玩個陣，我一唔得閒佢就搵佢班friend
有時我問佢玩唔玩，佢就話同緊第二班friend玩緊唔得閒， 通常你嘅好閨蜜同地啲friend話你應該會呷醋，咁我都唔例外， 就諗住可唔可以加入佢哋，識下佢班friend同佢哋交流下咁。

之後識咗佢個好朋友嘅朋友candies， 我約Gloria 出街嘅時候問你同candies好friend? 問下問下先發現原來佢連candice幾高都唔知，連街都未出過………
因為成日視像嘅關係都知佢個樣係點，所以都慢慢熟，甚至諗住約出嚟。大家都玩開同一個game所以成日都會搵大家問「玩唔玩」咁樣。 個candies就成日都加埋入嚟甚至開個group三個人一齊。 不過嗰陣我唔覺得有咩問題，只覺得識咗一個朋友都幾好呀 ，所以都冇話幾抗拒。

我屋企人唔畀我星期一至五打機 ，但係Gloria同candice就可以，所以一至五個陣佢哋兩個就一齊打機，關係都慢慢熟絡，甚至有時講嘢都淨係dm唔會喺大group度講

不過有時我同Gloria傾計嘅時候佢都會send返佢同candice嘅對話不過又係嗰啲咩「我好掛住你呀」 直至到有一次candice唔得閒跟住我就搵Gloria玩，但係我畀我阿媽同我出去買嘢所以遲咗好耐返嚟。結果candice都夾硬去玩。因為我阿媽成日lock我ig嘅原故，我就唔可以用ig 同佢哋call，就決定就係電腦到ZOOM去call Gloria。結果Gloria
Send埋條link比Candies，等Candies同埋我哋一齊玩。

candice話唔想喺邊度call，結果candice就同左Gloria一齊喺ig call。慢慢佢哋兩個就離開咗個ZOOM……

之後我就好唔開心同佢講話點解要Leave個zoom，明明好地地call緊，你又唔講乜事，就突然離開。

發生咗好多事之後Candies先話其實佢有講過佢要走㗎，係我聽唔到。。。Candies仲要話我屋企人有問題，話佢哋唔比我玩。

跟住Candies就教到Gloriam同我絕交。

睇返之前影啲相，我唔明點解Gloria竟然唔揀一個同左佢玩7年嘅朋友，竟然揀一個同左佢玩3，4個月嘅朋友…我而家仲ON9到諗住搵返Gloria同佢玩。

我只係問下點解呢啲嘢要發生係我身上到，而Gloria而家就開開心心咁同Candies玩。