#NSS學業
[guest] 小妹屋企唔算有錢，讀緊band1A學校，打算去外國升學。但係問題嚟啦，屋企得個少少錢，應該拎去買樓，定係拎去升學？ 呢排寄咗張綠表嚟，亦都係呢排想去外國，邊一個先係機會？
開始反省，會唔會係我洗咗父母太多錢？先至令到佢養咗我10幾年都冇錢買樓？學費+2種樂器+1種運動+1種語言+補習費(好多科)，係咪洗咗父母太多錢？ 越諗越慚愧，所以先來投稿，希望大家俾啲意見我🥺
我知篇文寫得好亂，純粹諗到啲咩就寫出嚟，希望大家明。。。
btw打算去升學係因為香港成績得中到中下，有時中上小小，同埋真係讀得好辛苦，點努力都考得差。。。揀依家呢幾科ok鍾意，但真係好難，自己擅長嘅科又係乞食科先至揀而家呢幾科。你話後唔後悔？咁又冇，因為應承咗自己唔會嘅因為自己揀嘅嘢後悔。去外國係希望可以冇咁chur，多啲時間focus係自己自己度。
另外一個原因係真係太忙/大壓力，開始有抑鬱症+失去共情能力。我希望去到外國，可以搵返自己。曾經喺外國逗留一段時間，應該係人生最開心嘅時間。題外話：唔知有冇人試過feel唔到任何野？或者你嘅身體feel到，但係你個靈魂、內心無法感受？有事我攰得滯就會咁。當有人死咗，我開始唔明點解其他人會覺得傷心。舉台灣鐵路意外為例，啲人死咗，但我完全feel唔到任何感覺。好似有個人同我講佢今日食咗啲咩咁，對我冇乜意義，亦都冇乜感情產生。其實我都覺得自己好可怕，我驚咁樣落去會崩潰，所以都想去外國，希望大自然可以治療返我。