#NSS學校
[某6X年半山區中學] 是咁的，我母校每年都會搞年宵攤檔，以前就去維園開檔，而今年就因為疫情而轉做IG shop，咁作為一個喺度讀咗12年(小學+中學)嘅師兄，每年都會返去幫襯，每次仲會買好多，當係報答母校。
但係今年啲定價真係越嚟越過分，你以前要承擔租維園年宵攤檔嘅費用，所以貴啲都叫做理解，但係今年只有ig shop，成本唔會高得去邊。$60一個金屬勳章which 成本價可能只係<$6，一隻公仔竟然要$268，仲要好細隻。
即係明白師弟師妹都想賺少少錢，呢個都冇所謂，但係出啲咁過分，離譜嘅價格，真係唔能夠接受。師兄想支持你地，但係你用啲咁樣嘅價錢去對待我哋師兄，用學校個名去賺取暴利，真係接受唔到。