#NSS家庭
[GUEST] 標題：「你未盡力」
[長文慎入]
其實讀書盡唔盡力自己可唔可以判斷？我真係覺得自己已經盡哂力，但我嫲嫲始終話我未盡力，根本可以做得更好。
我好比心機係呢間全港好top 嘅中學讀書，我自問已經盡力。我努力寫notes，寫左好多好多… 我有努力溫書，但係始終做唔到最top。我每一次都有好努力學習，但係分數始終比最高分嘅人低幾分。
以前我係一間冇咁top 嘅小學讀書，成日考第一。我認，我自大，我驕傲，我覺得自己嘅能力應該可以做到更高。我明白自己冇可能永遠都係最top，但係我就係接受唔到失敗。我好大壓力，係學校個個都只係讀書，我記得以前小學自己真係好中意返學，真係好開心，而家？已經冇哂呢種感覺。
我嫲嫲話我好辛苦先考到呢間學校，應該要包容。但係老師真係教得好差，我地只可以靠自己。我係呢間學校完全搵唔到學習興趣，我真係好辛苦。但係嫲嫲根本完全唔明白，仲話我上到中學hea左，成績一直下滑。佢到底明唔明我有幾大壓力，明唔明我真係好攰……
我唔知可以搵邊一個傾訴，屋企父母都一直好聽我嫲嫲話，同朋友講又驚煩到佢哋。呢排我成日喊，我覺得自己好似就黎癡線咁樣。