#NSS家庭
[GUEST] 先介紹下背景:
小妹今年中二 有個成年家姐 父母離婚有四年多 宜家跟住阿媽住
從我得幾歲開始 我阿爸阿媽就開始有吵架打架嘅跡象
起因就係因為我阿爸賭博食煙飲酒
佢長期外地工作 但又唔會將生活費交俾我阿媽
基本上每次都係我阿媽專登搭幾日車去佢工作地苦苦哀求佢 佢先俾
之後每個月都有幾次吵架 報警已經係家常事
但係佢哋次次吵架都冇諗過我地嘅感受
每次都係家姐出去勸架 最後都係變成一片狼藉
個過陣時我得幾歲 只可以喺間房度聽住佢哋吵架
之後我哋都係持續分房間住
但係阿爸成日喺度破壞 不斷打門 踢門 講一大堆粗口
最好我同我阿媽受唔住搬咗出去
但係近幾年佢都不斷有跟蹤我地同埋騷擾我哋
試過有幾次出個手打我阿媽
直到而家我不斷收到佢嘅電話騷擾信息騷擾同恐嚇
一日打好幾個電話過嚟 恐嚇我哋話*全家
唔知宜家可以做啲乜嘢
希望可以有啲建議俾小妹