#NSS個人
[GUEST] 大家好，喺嚟度想問吓大家嘅方法同意見。
–
交代返先，我同屋企人嚟咗英國大概有半年左右，嚟英國之前我一直都係一個好開朗嘅人，冇乜情緒問題。嚟度英國之後我情緒開始低落，做咩都冇晒精神，覺得嚟嚟度冇乜意義，冇活動冇嘢好做。去到最近，我幾乎每日都留係屋企，打機睇電話追劇，每日都係食玩瞓。可能有人話可以出吓街約吓朋友咁，可惜我住嘅地方冇嘢行，比較偏僻，要屋企人揸車去先得，英國搭巴士又貴所以唔想搭。至於約朋友，其實我唔多鍾意講英文嘅生活，始終唔係母語會有隔膜，有陣時又聽唔明又或者唔識講，所以除咗返學基本上都冇同英國朋友有任何交流。
–
講返情緒方面，我覺得自己開始有啲抑鬱，嚴重嘅話有陣時會成日諗住唔想做人咁，有陣時又會傷害自己，變到完全唔係以前開朗嘅自己。喺度想問吓大家有冇咩治療嘅方法、途徑可以幫到小妹，所有意見我都會認真咁睇。多謝大家嘅幫忙。