#NSS家庭
[Guest] 大家好啊 小妹今年中學 有個家姐大學
由細到大親戚老竇老母都會偏心家姐
跟住我永遠都係俾人鬧嗰個😑
家姐一唔妥我 就求其作啲嘢俾老竇老母聽
跟住佢哋聽都唔聽就會鬧我 無論事實係點樣
家姐都係啱晒 我係錯晒
有一次我覺得佢真係好公主病
只係有一次我冇買飯比佢
前提係佢冇講 跟住喺度佢喺度講
乜你咁唔尊重你嘅屋企人㗎 你問過人哋食唔食嘅咩
呢個屋企得你自己？又話乜你咁自私架
淨係買自己 唔使諗其他人㗎？
我心諗 大佬你啱啱打電話過嚟又唔講
我返到屋企你先來講？跟住我都算啦
咁咪諗住着返對鞋落去買 點知佢又話唔使
等到阿爸阿媽返嚟 佢又開始扮嘢喺度屈我😃
成日拎我成績同佢比較 我認我成績係冇佢咁好
家姐係小學同中學都係精英班 成績比較前嗰啲
我就係中下游 大概五十幾六十幾
跟住我英文同數學比較差
分數每次都大概係40 50
跟住佢哋就會開始鬧我點解可以咁蠢
英文同數學呢啲咁簡單嘅嘢你都可以做錯？
跟住趁阿爸阿媽唔喺度 又喺度打我 鬧我😃
跟住我識friend我家姐又阻住晒
佢話我識嘅全部都係豬朋狗友
佢成日喺度夜晚傾偈 大聲到痴線
只要我夜晚傾偈 少少聲佢都阿吱阿咗
大約係咁啦 其他嘢我唔知要點樣表達出嚟😕
依家搞到壓力好大 有咩辦法可以解決？
sorry of 1999🙇🏻♀️ 請細力啲屌🙇🏻♀️