#NSS個人
[b1A] 大家好，小妹f2，話說我自細學鋼琴，而家5級，不過一直都冇乜興趣，基本上只係為咗每次上堂唔俾miss鬧而練，其實我一直都對音樂麻麻，不過暑假唔知點解突然對音樂好有興趣，雖然都係對鋼琴冇乜feel，不過我想學小號，我有諗過join學校嘅樂器班 (學校嘅制度係一律初學嘅都要先參加樂器班，去到一定水平先比入樂團)，原本都諗住同阿媽講，然後去搵負責老師報名，不過開學無耐就有N咁多個小測/默書/project, 我知道阿媽一定唔俾我quit鋼琴，所以如果我報樂器班嘅話就要喺放學之後除咗做功課同溫書之外，仲要抽時間練兩種樂器，再加上根據教育局而家嘅政策，之後有機會返全日 (我學校高中已經返緊全日，學校公佈嘅數據係全校66%學生打咗針)，要兼顧晒咁多樣嘢根本係冇可能嘅事
之後我就開始諗解決方法，由最初開始想學小號，到到而家，我嗰種想學嘅諗法都冇變到，我就肯定咗我今次唔係三分鐘熱度，因為學業方面真係太多嘢搞，所以我就算啦，都應該係大個咗之後先開始學，我知道無論學咩都好，只要有心學都唔會有問題，大個先開始學樂器，當然唔會去到好專業嘅水平，但係我純粹都係為咗滿足自己興趣姐，有乜所謂姐
我諗我而家學業方面咁多嘢搞，就算我之後真係抽到時間出嚟練，阿媽都唔會俾我去學，其實我之前嘅零用錢都有儲埋，夠錢買個小號，不過我唔會買囉，真係太貴，不過買個吹嘴返嚟練都應該得嘅
其實我除咗小號之外，仲想學打乒乓波，我都係諗住考完DSE之後果段假期去學，大家覺得有冇可能？
sor for 1999
希望有人可以比到意見我
admin希望你揀中我