#NSS愛情
[GUEST] Admin pls po thx🙏🏼🙏🏼
小弟中五
兩年前機緣巧合之下認識到你
我哋好快就成為好朋友
你失戀 我喺度 我失戀 你喺度
We always had each other’s back
我哋成日都好多野講 有咩事 有咩嘢都分享
不論係開心 唔開心 都一樣
好朋友嘅關係好到唔係咁真實
雖然中間斷斷續續都有疏離嘅時候
直到兩年之後再次見返你
見到你嘅感覺好特別
我哋一齊為咗個表演綵排
我哋多咗好多獨處嘅機會
我哋frd到嘅地步 可以係去到
好多唔識我哋嘅人 都以為我哋已經拍緊拖
一直都説服自己冇可能鍾意嘅想法
被種種跡象打破
例如 我見到你會好開心 不經意嘅接觸會令我心跳加速
即使我知道你嗰陣就快要移民
我哋未必喺短時間之內再見
喺機場為你留嘅眼淚 冇一滴係假嘅
就算你入咗閘之後 都繼續嗌 I love u
Long D 呢條路一定唔會容易行
但係我哋嘅感情 最終敵不過距離
上個禮拜你提出分手
我幾乎每晚都瞓唔著
我對你嘅感覺從來都冇變過
而且我從來都冇後悔過嗰日同你講過嘅說話
同你一齊嘅日子嘅感覺 我永遠都會記得
因為係你將我由失戀嘅痛苦拉返出嚟
因為係你教識我要跟隨自己嘅心
因為係你令我再次相信愛情
我愛你 希望你可以搵到個你認為適合你嘅男仔 只要你開心 我就開心 咁樣就已經足夠