#NSS愛情
[Guest] 想奉勸各位唔敢表白嘅人
唔好因為驚冇咗個朋友而一路暗戀 一路拖住好耐
最後將個機會送咗俾人
到對方出pool之後 你唔會有機會變返以前咁frd
你只會得到一段得你一個單方面有刺喺心嘅友誼
最後都只會慢慢疏遠
望住對方同佢男/女友一齊
留低嘅只有萬分後悔同抱怨
抱怨當初嘅自己點解唔點點點做
橫掂結局都唔會有返同樣frd嘅朋友
反而表白都叫有機 都叫無悔
當初嘅我鍾意咗佢好多個月
對方一路keep住有不停搵我就變咗好似理所當然
然後態度越嚟越hea
一路覺得可能有機會佢表白呢 就坐喺度等運到
結果呢個運到左 不過係去左第二個度
都真係痛苦左一段時間
無時無刻都諗緊佢
仲要咁啱嗰陣係全世界最多功課test嘅時間
加埋呢件事所有壓力瞬間增長百萬倍
之後我將所有我記得同你發生過嘅事 講過嘅野 唔同時間嘅唔同感受
全部打晒做一篇文
Po左喺一個連個名嘅靈感都係來自於你嘅廢ig acc
每個po放三四段 每段十幾行 總共用咗六個po先放得晒
用嗰篇唔知幾多嘅文記錄低所有野喺ig
希望就算部電話壞咗 都唔會忘記呢段回憶嘅所有嘢
其實我好希望當日你喺隻game申請情侶關係唔係撳錯掣 而係真係一個表白
好希望當初班主任冇將你兩個調埋一齊
好希望當初我有自信啲
不過有早知冇乞兒 過咗去就算了吧
只係想講
其實我唔係蠢 而係甘願做你條水魚幫你俾錢
其實我見到你唔係唔理你 而係唔敢理你
其實我hea覆 唔係真係hea 而係嗰排真係好攰
多謝你改變左我咁多啦 真心
呢呢篇野係而家啱啱發生完冇幾耐打嘅
我諗過多排個人冇咁感性就冇咁嘅心機打咁多嘢出嚟
唔係講笑我打完呢篇之後而家真係舒服好多
將所有內心感受打做一篇文然後send俾自己
對我嚟講都算係一種抒發情緒幾好嘅方法
大家都不妨試吓