……

#NSS學校

[……] 介紹一下自己先，今年啱啱升中一，前幾個禮拜雖然有舊frd傾下計，
但幾個禮拜後我個舊frd妒忌心好重咁，我個新朋友未買到書，所以我咪同佢一齊睇，但個舊frd就細細聲同佢講：「同我坐啦。」
於是佢地就一齊坐，我個新朋友有次話：「不如我坐你地中間？」我個舊frd就話：「唔好啦，同我坐。」
甚至有一次佢地兩個都冇帶書，叫我借我本書俾佢地兩個睇。
幾日前小測佢拍下我膊頭話答案係咩，咁我就冇答佢，完咗小測之後好理直氣壯咁話點解唔答佢？
我就話其實我點解要答你？
之後佢就話我討厭你、好憎你之類，我當下真係想爆，做乜我唔俾答案你仲係我嘅錯？😶‍🌫️
之後我同朋友放學食飯佢又插隻腳入嚟，然後又成日同我講其他人嘅壞話，不過我聽完通常沉默，然後我變得越來越邊緣咁，佢前個禮拜又開咗個group,明明有六個人，但group名係五個人，好似自己俾人忽略咁，哈，之後有個人改返六個人，佢又改返五個人，我覺得有d過份，一次遺忘算la,但咁樣好明顯特登。
我唔想變到佢咁樣，成日講人壞話，真係好懷念以前小學，唔算多朋友，但至少真心，我可以同佢地講心事，但我係學校好似封閉咗自己咁成日扮開心樂觀，我真係有啲攰啦。