#NSS家庭
[Guest] 本人今年F.5
老豆份人一直都好樂觀好正面，咩事都可以捱過去，即使有人聊交嗌，佢都唔會同人地吵，凡事都以和為貴，因為佢之前份工嘅關係，佢好少參與我嘅日常活動，一個月得2日假，有時什至得1日。自從我升咗中學，老豆決定要換工，佢份新工可以比佢假期就放工，開工日期自由決定，當一切開始步入正軌，我以為老豆可以輕鬆D啦，邊會估到轉工會係噩夢嘅開始。
話説老豆轉咗工之後，佢同阿媽嘅相處時間多咗好多，我本身以為自己都幾幸福，父母工作尚算okay，屋企有和和氣氣咁，雖然有時都會有D爭執，但係每次好快就會解決。加上我嘅學習又okay，佢地基本上淨係理細路嘅事就可以，因為細路比較難搞，所以阿媽嘅重心全部放咗係細路身上，而阿爸就唔多管我地學習嘅嘢。老豆覺得我地做嘅嘢只要唔犯法，唔傷天害理，佢都會支持我地去做。每一次我阿媽開始鬧人，我老豆都會做和事佬，所以唔知係咪咁，我阿媽成日都覺得老豆好懦弱，咩都做唔好。
由老豆轉咗工之後開始，我阿媽鬧佢嘅次數越嚟越多，係又鬧，唔係又鬧，老豆好錫阿媽，所以多數都唔會駁嘴，由得佢鬧完就算，點知我阿媽變本加厲咁鬧佢，所有事都係老豆錯，或者成日話佢同鬧佢，對老豆好不滿。尋日老豆真係忍到極點，我從來都冇見過老豆咁嬲，老豆諗住離開間屋冷靜下，點知我阿媽因為咁而發脾氣，狂係間屋裡面鬧老豆，成個潑婦咁，佢之後突然又自己走咗出去，失蹤咗咁，老豆知道係勁嬲咁翻上嚟執行李走，仲話佢已經受夠啦，唔想再對住阿媽。
我從來冇見過老豆咁樣，佢今次真係好嬲，我已經唔知點算好，雖然我唔鍾意阿媽，但係細路唔可以冇咗佢地是旦一個，有咩辦法可以修補佢地嘅關係？
Sorry for 1999
圖Link: