#NSS社會
[GUEST] 有時真係覺得，家教好緊要。
小朋友，未發展自己思想之前，全部都係跟自己父母思想。
變咗家教就真係十分之重要，甚至唔好講小朋友，一個人青少年，甚至係一個成年人，好多價值觀都會受到父母影響。
但係偏偏，香港好多父母都唔識得做家教。
更悲哀嘅係，唔識得去聆聽唔同人嘅意見，好多時覺得自己大晒、自己講嘅一定係啱。變咗好多時，明明一啲好有用嘅意見，但係啲家長聽唔到。
個人覺得好常見嘅一啲嘅家教方式，例如：
1.「成績係好緊要㗎，要成績好先至可以有成就，有成就先至開心㗎。」甚至不斷迫仔女去補習、學唔同嘅嘢
成績好咁又點？唔係剩係得成績好先至會成功，仲有好多唔同嘅嘢。做人態度亦都好緊要，仲有好多唔同嘅嘢，呢啲態度又係好衰嘅。
2.諸多限制，唔比自由仔女
人本來就係需要自由。今日限制完仔女，聽日咪一樣限制唔到，總會長大，咁樣限制係完全冇意思。
3.強迫仔女接受自己嗰一套嘅價值觀，唔聆聽子女心聲
本來價值觀就有好多種，但係好多父母都強迫自己仔女去接受自己嘅價值觀，而可能仔女諗法又會比父母影響，最終就形成咗嗰一套價值觀。但本來價值觀就唔係剩係得嗰一種，只要價值觀冇咩大問題已經可以。甚至有啲價值觀係錯誤嘅，父母照樣傳輸比仔女，咁就十分好笑。
仲要有一啲唔肯聆聽人意見，尤其係自己子女嘅諗法，有啲會用自己老一輩嘅諗法強加落去，令到家長同仔女關係惡化。
個人覺得主要就係呢三款，有更多嘅可以留言。
真係覺得香港嘅家教好失敗。