#NSS個人
[[Guest]] 呢一刻真係有啲迷惘…
小弟今年啱啱升上高中，成績尚算唔錯，雖然冇乜把握一定考到神科，band 1學校全級都有頭20，自問成績方面冇乜問題。
我迷惘嘅部份係關於去外國讀書/移民。自從上年開始，老竇老母就有送我去外國讀書甚至成家移民嘅諗法。適逢前一排BNO大致細則出咗，佢哋半迫半勸咁想我走，其實我就不太抗拒去外國，雖然都幾唔捨得呢度啲朋友…我嘅諗法係如果我喺外國攞到居留權，我仲有機會揀返嚟香港發展定係留喺嗰邊。但係有一個困擾咗我好耐嘅問題：我大學應該讀咩好。由於我仲未對我嘅前途有一個大方向，我真係唔知走定唔走對我來講係最好。
頭先同朋友傾完計，佢問咗我幾個問題：
1.我去外國目的係為咗啲咩
2.我喺嗰邊/香港會對我嘅學業最好
3.我做咗決定之後，無論係而家嘅我定係好耐之後嘅我會唔會後悔
如果我心入邊已經有答案，走同唔走都已經唔係重點。
俾佢咁問咗一問，我而家真係好迷惘。
為咗一個居留權而離開其實係咪真係對我最好…
但係如果我最終冇走到，10年之後嘅我會唔會好後悔我當時冇揀離開香港…
如果跟我屋企人嘅plan，我大概得返一年幾時間留喺香港，即係我其實得返冇乜時間做決定。
我真係唔知應該點做好…
Sor for 1999