#NSS個人
[Guest] （親手推開了自己很喜歡的人)
是咁的, 小妹今年就f5 一直都中意有一個不嬲都幾有好感嘅師兄。同佢本身係frd, 由f2見證住佢交過3任女友, 上年就同最近嗰個分咗。其實我身邊啲朋友都知佢有少少渣, 即係佢會周圍係網上同女仔搞曖昧, 有時又會同女同學聊性咁。其實當我知道佢係咁, 內心都自然會減分, 希望同佢keep住朋友關係算, 但我內心點都有啲中意佢。
–
我就懷疑佢感覺倒, 係4個月前就開始同我曖昧。我哋有約過3次出街, 互相買過禮物比對方, 放學之後都會傾成幾粒鐘計。我梗係好享受, 但佢有時係學校又對我愛理不理, 有時專登去佢班房搵佢, 剩係同我有眼神交流之後就直接擦肩而過, 個心好唔舒服, 但佢返度屋企又會 flirt返我, 我又冇理度自己感受又繼續同佢曖昧。
–
我冇幾耐就發現佢同幾個前度仲有聯絡, 而且ig po勁多女留言,我就接受唔倒 , 但又冇問佢。我就開始亂唸嘢, 幻想佢而家空窗期極可能因為悶所以先同我曖昧, 我懷疑佢開心單身都feel倒被愛感覺 就想係搵倒佢心動嘅人之後就會拋低我, 但係嗰日嚟之前可摸以唔好離開佢 (一切都係我假設佢唸法 但我肯定如果男仔真心中意一個女仔時 又知互相中意嗰陣 根本想抓住女仔都嚟唔切, 除非我唔係唯一) 可況曖昧都4個月, 我唔想我假設嘅嘢變真, 所以我就cut off先 費事佢繼續利用我喜歡佢, 而填補自己內心寂寞。
最令我矛盾嘅點係佢真係有時又對我好好, 教我做功課, 幫我買嘢食, 送我禮物。但直覺又話比我聽好似唔係真心中意我。但其實佢嗰啲曖昧嘅行為已經唔重要, 要focus返我覺得接受唔倒嘅行為, 再設下停損點, 為這段曖昧畫上句號。
–
有時當你中意一個人嘅時候真係會忽略佢啲行為, 明知佢唔好, 唔係你想要嘅戀愛模式都想試下, 掉落佢假戀愛嘅陷阱。所以一定要理性啲, 不停觀察, 問自己咁樣曖昧落去係咪自己想要。一定要立下原則唔好比愛情沖昏了頭。萬一唔覺意達到佢目的, 佢就會飛你, 嗰陣先慘, 抽身都離唔切, 但其實你哋又乜都唔係。
–
係呢次經歷我學到有時會因為中意對方所以就好想同佢拍拖, 唔理同佢適唔適合, 有時仲會委屈自己, 迎合佢為就為咗段關係姐, 但其實拍拖嘅最終目的係幸福, 而唔係因為中意佢, 為咗同佢一齊就無視好多自己覺得接受唔倒嘅事。就算比我哋拍倒拖, 最後都會繼續胡思亂想。
呢篇係喺我完全清醒後寫嘅, 希望大家搵倒自己嘅幸福💖
Sor for 1999
麻煩了admin 🙏🏼🙏🏼