#NSS愛情
[GUEST ] -女朋友有冇諗過我感受
-我條女成日都嬲我，我已經好避免激嬲佢，但係佢係咩都會嬲。例如：我夜晚真係真係好眼瞓，想早啲瞓覺先，佢又會嬲我唔陪佢，咁如果係佢嘅話，佢一定會鬧我唔理佢感受，淨係諗住我自己，咁其實佢而家係咪同一個道理。又例如我對海鮮敏感，佢又要買返嚟，跟住我唔食佢又會鬧我，我已經唔係第一次同佢講我對海鮮過敏。我本身又唔係好叻打機，佢又逼我打，唔同佢打又嬲我。跟住我應承同佢打機，輸咗佢又會嬲我？我一開始已經同佢講我唔叻打機，輸咗唔好嬲我，佢又話冇問題。
-重點係，佢嬲我嗰陣會鬧我，又會唔理我，又block我，有時仲講分手，冇理過我感受。
-但當我為一件事嬲佢嗰陣，佢會話我唔識體諒佢，有時件事擺到明錯嘅唔係我，佢死都要嬲我，佢又會講返佢啲ex嘅嘢，話我唔諗佢感受，佢明明都覺得錯嘅係我，有時佢講出口嘅嘢其實好唔諗後果，好令我覺得唔開心，但係點解佢唔諗吓我嘅感受，如果我講咗一啲有少少少少唔開心嘅事，佢又會嬲我，佢有冇諗過佢講一啲好傷人嘅嘢嗰陣我係咩感受…
-我唔係針對全部女仔，我只係想問吓各位我應該點做，我講咗俾佢聽唔止一次，佢依然係咁對我…
sor for 1999