#NSS學校
[GUEST] 成績好都唔一定開心
小女讀緊一間band1a嘅中學, 喺學校入面都算讀得幾好, 個個都叫我學霸, 但係就搞到我好大壓力。因為平時考得好, 阿爸阿媽就勁開心, 我一考得差少少, 佢哋就黑我面, 有時仲鬧我。我好驚我成績會有一次跌咗落去。因為我係全班嘅焦點, 只要我成績有一次差咗, 全部人都會知道（我都唔知點解）。每一次我話今次份卷好難, 都冇人會信, 仲話我一定會考得好好。其實咁多睇得起我嘅說話, 我都覺得好大壓力, 因為我唔想失敗……
我自問係一個好有目標, 好努力嘅人, 但係都成績表出嚟嘅時候, 無論成績有幾咁好, 我都只係開心咗一兩日, 之後諗返轉頭, 就會質疑究竟我努力做咁多只係為嗰幾個分數有用咩…我唔知道係咪正常, 但係每一次考試我就勁大壓力, 嗰個程度係去到每一晚瞓喺張床度都喊咗出嚟, 溫溫下書都可以無緣無故崩潰, 仲差唔多日日都係咁。但係我又唔想真係放棄自己嘅成績, 因為放唔低, 但係我繼續咁樣, 要大壓力度頂唔順。
有冇人知道可以點樣減壓🙏🙏