#NSS個人
[GUEST ] 小弟成日俾人話我太認真(我自己唔係好覺)，其實認真係咪真係一件唔好嘅事？
1）有啲唔使交嘅功課，通常都剩係得我會做，然後啲人就會話我使乜咁認真。
2）我之前參加過一個數學比賽，要同啲師兄合作，見面嘅時候我介紹自己然後問佢哋點稱呼。我去佢哋課室俾資料佢哋嘅時候，就聽到佢哋笑我太認真，好嚴肅，成個怪人咁。
3）另外，我通常都唔講笑，我啲朋友講笑我又唔係成日辨識到佢係咪講緊笑，然後又比人話我太認真。
4）仲有，我啲同學WhatsApp/email啲老師係用口語，有時仲會同啲老師講笑，但係我會用書信嘅格式同埋莊重嘅語言同老師哋溝，又俾人笑我太認真(老師都有）。
我真係唔明，師兄同老師係前輩同埋長輩，而我又同佢哋唔熟，點解佢哋會覺得我好認真，唔通扮熟又好好咩？同埋聽唔明人哋講笑係咪真係好有問題🤨