#NSS愛情
[GUEST] 女仔喺中學畢業之前都無被人鐘意過正唔正常？
雖然話十八歲仲好後生，以後仲有大把機會，但每當身邊多一個人被告白，我嘅自卑心都會再浮現一次，時刻提醒住自己極差嘅異性緣
有陣時好羨慕啲同男仔傾得埋嘅女仔，望見人地拍拖會真心為佢地感到高興之餘，都會期望自己可以體驗一次被人關心，被人鐘意，被人重視嘅感覺…甚至有男仔肯同我講嘢已經好開心
而呢種羨慕之情，往往又會帶領我陷入無限嘅自我懷疑入面，係咪我太樣衰？係咪我唔夠得意？係咪我嘅性格缺點真係多到超乎我對自己嘅認識？係咪我曾做錯過咩事而令到人地對我無興趣？
有試過把談情說愛嘅精力擺去增進自己上面，但每當自己考咗高分，卻聽到人氣高嘅同學可以獲得比我多幾倍嘅掌聲時，都不免會感到些許灰心