RE: #NSS210110E & #NSS2102210F
睇完樓主呢兩篇投稿，我想講下我自己嘅睇法，並無惡意。 我想講樓主除咗文筆好好，相信都經歷過好多，受過好多打擊， 如果唔係親身經歷過都唔會寫到出嚟。
首先啦，樓主你話你唔可以塵封你同佢一齊嘅回憶。係嘅，你同佢嘅一點一滴，佢所帶比你嘅快樂回憶總係美好嘅， 嗰啲回憶好深刻咁印喺你嘅腦海入面。但係都造成咗你地分開之後嘅你咁傷心。 你會不斷回想起同佢一齊嘅時光 ，越諗就越唔開心， 我自己都感同身受， 我就覺得你唔需要完完全全去忘記你同佢嘅回憶， 或者你可以將你同佢嘅感情當係一次經驗， 如果你仲係一直咁去諗佢會好辛苦。 你應該要學識坦誠面對 ，去放低呢件事。
如果真係好似你咁講 “你行咗九十九步，而佢連嗰一步都唔肯踏出”， 咁呢段感情重值得你去留戀咩? 可能永遠都係你主動搵佢， 你唔搵佢 佢都唔會去搵你嗰一種， 咁樣嘅話，呢段感情一直係由你苦苦支撐，係咁已經再冇意思:感情係兩個人嘅事。 有冇諗過如果係咁嘅話，佢重值得你去愛咩? 與其同一個唔珍惜自己嘅人一齊，不如搵一個愛你嘅人，一個會珍惜你嘅人。
好多謝大家睇到呢度，我呢篇嘢寫得唔好 希望大家唔好介意，最後想祝福樓主: 希望你搵到一個更好嘅「她」， 早日走出悲傷，發展一段新戀情，大家都留言支持下樓主啦。
加油，你值得更好!
Admin please post IG thx.