#NSS家庭
[某男校] Title：通关
跪求 admin po ig🙏
先交代下啲背景，我今年讀 form 2，有個80幾歲嘅爺爺，疫情前長期住喺大陸，半年先返嚟香港兩三日，但係自從舊年有疫情，佢就返嚟我屋企住，直至到而家。
眾所周知，大部分中學都喺12月同1月考試，我都唔例外，已經開始溫書。放學返到屋企差唔多5點，理論上做曬功課就要溫書，但係阿爺偏偏想買「生日禮物」畀我，出街行到好夜先返嚟，問我鍾意咩衫，揀完之後又話顏色唔好、料唔靚、唔啱我著等藉口，然後就唔買，第二日再出去買，根本冇時間溫書。
如果唔出街，就會不斷叫我幫佢整手機，例如開 google 賬號，問我點解撳呢個撳嗰個，要寫低啲步驟，過一陣佢就抌咗張步驟紙，又改啲佢唔記得嘅密碼，話如果下次要登入，就叫我再幫佢開過第二個賬號；再唔係佢就不斷教我做家務，佢話我要學下點做呢啲嘢，總之就搞到我冇私人時間。
我好明白爺爺年紀大，冇寄託我唔忍心拒絕。我話要溫書唔出街，佢永遠都話睇少啲手機就有時間，或者仲有好多日溫；我一行路一路溫書（證明畀佢睇我好多書溫），下次佢就話你出街都溫到書，使乜喺屋企溫。我打畀嫲嫲或者阿媽求救，俾佢知道又玻璃心，最少同你冷戰半個月，又俾面色你睇。
咁樣落去真係唔掂，快啲返大陸住，唔好再煩我。
sor for 1999