#NSS愛情
[GUEST] 唔知大家有無暗戀老師既經驗呢？
今年遇到一個新既中史老師
一開始對呢位啊Sir無咩特別既感覺
但 我幾鍾意上佢既堂 因為佢真係幾幽默風趣
成日都會同學生講下笑 書又教得好
把聲好沈穩 雖然講書嗰陣好大聲
加上我坐喺前排 有時真係想叫佢細聲啲
不過 當佢喺我隔離細細聲講野嗰陣
真係會有點小鹿亂撞既感覺 好溫柔 好好聽。
而因為我坐喺最前排 位置就喺教師檯正前方
當佢低頭做緊野既時候 我可以最近距離咁
欣賞佢認真做野既姿態 仲要配埋佢副眼鏡⋯
真係好想將嗰個畫面 永久收藏。
呢位老師年紀都唔係細 佢曾經透露過
佢已經踏入四字頭了 無女朋友 唔講都真係唔信
但其實就算佢二十出頭都好 我都唔想打擾佢
點講呢 我好鍾意佢 但我唔想同佢一齊
我唔想為無可能既事作任何期望同賭博
我希望同佢保持一個距離
教師檯同我張檯既距離 咁樣剛剛好
我 仲可以保持理性 仲喺現實度
只不過 我暗戀既人 係我老師罷了。
希望呢一份單純既感情
能成為我長大後令我懷緬既回憶。