極長文，望po ig thanks
我係#NSS201213A 嘅投稿者
我懷疑我媽媽出軌，我應該點算？
首先係睇依篇之前，希望大家睇咗上一篇知道咗個情況先。
咁係我鄰居之中，有一個叔叔，我稱佢為KL啦，咁因為佢車對仔女返學嘅時候，有時都會見到我，順便車埋我返學（都係附近），咁聽講係工作原因（我都唔知），佢要用微信msg d客嘅，咁一開始我都無留意，但係有一次我媽媽又飲醉咗，我就幫手睇妹妹，我見佢係度遮遮掩掩咁覆msg（平時佢wts唔係咁）
第二個point就係有一次我做完body check 同佢去食kfc，然後佢電話響（唔係佢平時鈴聲，係微信鈴聲）然後佢就接電話，但係傾嘅時候，我好肯定對面果個肯定唔係我屋企人，因為佢唔會講「我個女blablabla」，然後佢就借口話食煙離開咗。佢平時食煙係速戰速決，但係今次用嘅時間都食到半包咁滯。返到嚟成個人笑嘻嘻咁款，好似熱戀中咁樣。
第三個point就係有一次班鄰居上嚟食完飯走咗之後，我就攤咗係梳化睇電話，佢就出咗去「垃圾」，返嚟嘅時候，KL都係度。聽講KL係嚟攞藥嘅，咁我就無理，直接去咗沖涼（因為無論我媽媽有無出軌，我下意識唔想見到佢），咁我就習慣帶部電話去沖涼聽歌嘅，我去緊廁所嘅時候老豆打電話嚟話屋企個cam連唔到，叫我睇下做咩。咁我就洗完手直接出去，發現個電制熄咗。而果個時候KL已經走咗（我去咗好耐廁所）咁我覺得依個情況有可疑嘅原因係第一，個電制本身好實，無乜可能唔小心撞到，第二，我有見到媽媽掂過個電制果個位（有兩個電制，另外一個係吸塵機）所以我都唔敢肯定。
我宜家真係唔知點做，父母係飲酒依方面鬧交次數越來越多，但係我又好自私，唔想佢哋離婚，因為我唔想再次回到單親家庭，而且唔想同妹妹分離，因為有一次父母鬧交，媽媽講過離婚佢一定要帶走妹妹但係就無提過我（我唔想跟住媽媽，同佢一齊好辛苦）但係我同老豆（後父）係無任何血緣關係，即使佢好錫我，但係我都唔係幾好賴住佢（親生女唔跟自己，前妻同佢前前父嘅女就要我凑）希望各位可以比到意見我。
投稿時間：6/1 22：56