#NSS個人
[GUEST] admin pls po ig，辛苦admin，sor for 1999
見到有人分享自己嗰夢，咁我都想分享吓。一直都唔敢同啲朋友講黎個夢，因為嗰夢有啲尷尬…
入正題！！嗰夢有啲特別，唔係一個現實嘅場景，係ig dm人嘅畫面，即係平時私訊人會見到嘅嗰啲對話咁。咁我喺嗰夢入面係代入咗我鍾意嘅人嘅手機嘅視角，我見到我鍾意嘅人打咗啲生日千字文俾佢朋友，佢喺篇千字文裡面打咗一啲同人告白或者情侶先會咁樣講嘅嘢，即係「我愛你」「我鍾意你」嗰啲，佢仲要不停咁樣講，佢嗰朋友都有覆佢啲好曖昧嘅嘢。當刻我見到，我feel到有股感覺由腳上到我心口，嗰種感覺真係好真實，我好耐都冇試過傷心到心痛，黎次居然喺夢入面發生。好快，我起咗身，到起身嗰刻我都仲feel到心痛嘅感覺。但係好快，黎種感覺又消失咗。
雖然成個過程唔係好耐，但係黎個夢令我印象好深刻。雖然佢鍾意邊個其實唔關我事，但係都有種唔開心嘅感覺。希望黎個真係一場夢，多謝你好耐心咁睇晒我廢up，要diu唔該輕手。