#NSS個人
[guest] 我由幼稚園開始就已經俾濕疹纏繞著
細個嗰陣仲好啲 淨係得關節位有
但係越大就越多地方敏感
上年特登去抽血驗致敏源
check到對塵蟎同狗敏感
狗本身無養 即使見到仲可以避下
塵蟎真係唔知點避
驗到係對塵蟎敏感之後
阿媽已經即刻買咗吸塵蟎嗰啲機
又買咗防塵蟎被套一堆野
加加埋埋其實都洗咗唔少錢
我同佢講我需要啲咩 佢只要喺能力範圍
就都會俾我
但係敏感嘅情況仲係無好轉
有去睇過唔同醫生
有啲醫生都有開食嘅類固醇俾我
但係我自己都知 嗰啲唔可以食太多
所以都只係好嚴重嗰陣先食下
呢個問題已經令我無曬自信
之前我好似聽到我哋frd喺我後面討論緊我
雖然我扮聽唔到 扮無野
但係其實我好驚
好驚佢哋會因為我皮膚好醜樣
就唔理我 甚至bully我
所以我就無論幾熱都好
都會著外套 儘量去遮著自己啲皮膚
好多老師見到我30幾度仲著外套
就會鬧我 但係我都堅持唔除
我唔想俾人哋睇到咁嘅嘢
我唔想成為「異類」
我出到街成日都會見到人地望著我嘅眼神好嫌棄
但係其實我真係好想同佢哋講 我都唔想㗎
我阿媽成日都會叫我戒口
辣唔好食 海鮮唔好食 炸野唔好食 重口味唔好食
我真係戒唔到
我知佢係為我好 但係我有陣時真係覺得煩
我唔想每一個親戚見到我
都淨係同我講我皮膚敏感又嚴重咗
同我講要做乜 又唔可以做乜
我都好想正常咁 俾佢哋「問候」
俾佢哋問埋嗰啲傳統問題
煩係煩 但都好過focus喺我最介意最唔鍾意嘅地方
我好羨慕嗰啲可以大個咗就好得返嘅人
我已經好努力去搽藥 每日搽幾次cream
點解都仲係咁嚴重
我真係唔想成世都係咁
想問下有無啲咩方法可以改善
又有無啲護膚產品係幫助到濕疹
sorry for 1999