#NSS家庭
[guest] 唔好意思阻大家時間，希望你地認真睇🙇🏽♀️
長文慎入
小女今年F3，一直有一個問題圍繞住我，細細個開始，啊爸阿媽都會以唔同既小事而鬧交，例如我跌左野食落地下，阿媽就要我執翻黎食，啊爸就唔比，然後佢地就會鬧一餐！嗰陣我同阿哥都唔知點算，只係坐係個廳到。
我有個大我6年既阿哥就對我好好，當我比阿媽打既時候，都會保護我。所以我都好鍾意佢
直到我4年級既時候我阿媽就話要搬出去住，當時我同阿媽講可唔可以唔離婚，雖然阿媽應承左，但係最後都係離左，仲帶走埋我同阿哥。
之後搬出去住左1年，阿媽就話阿哥成日都唔做嘢等等既理由，趕左我阿哥同翻我啊爸住，呢段期間就有一個，我又細到大都識既阿叔（並冇血緣關係）搬左黎同我一齊住，開頭唔知咩事只係當佢係一個朋友咁玩，啊爸個邊啲親戚就係咁話我啊爸好慘，好可憐話阿媽攞曬啊爸啲錢，過左1年之後阿哥就翻左黎一齊住，阿媽亦都同左嗰阿叔結婚，我真係忍唔住喊左出黎。但係後來都唸開左，阿媽其實都只係想搵返個好老公，但係之後佢竟然叫我叫個阿叔啊爸，我真係接受唔到，大佬我啊爸都未死，就算真係已經死左我都唔會叫其他人做啊爸lor！
今日比阿媽知道左啊爸平時有俾錢我同阿哥，就話啊爸啲錢係佢既，話啊爸攞佢啲錢，攞左三萬蚊，我唔知係咪真但係我有少少信左，因為細個既時候啊爸都成日賭錢有債在身，都係阿媽幫手還（不過都係阿媽成日提起先知，其他人冇講過）
講左一大篇野，都係想問大家如果係你地會點做？你地每個留言我都會認真睇🙇🏽♀️
sorry 1999 7/2/2021
pls admin po ig
圖Link: