唔知點解我對我老母嘅感情好淡，
佢對我來講冇乜特別大嘅意義，
主要我覺得係因為我唔係好鍾意佢，
我覺得佢由細到大完全冇教過任何道理，
無論我係細個同人打交，定係同細佬嘈交，
佢都會打完我就算，都我大個，佢直接同我講佢唔教係覺得怕麻煩，我真心覺得佢呢個點好大問題，仲有我或多或少都覺得佢偏心我細佬，我想知會唔會有人個阿媽連去書店買本書都會同你講嘥錢，我睇嗰啲唔係漫畫書，係散文小說，佢叫我去圖書館借，佢就叫我睇啲圖書館有得借嘅書？？？wtf興趣有咁容易改變嘅咩？？？但我細佬又唔係，一箱又一箱玩具，心理真係好唔平衡，我細個嗰陣又係可以話完全冇玩具，係真係玩具都冇呀屌，佢有同我講佢細個家境唔好…咁而家呢？仲要加上我中學考試（沙田band 1B）全班20名，都要收電話仲要屌到上天，每日喺度陰陽怪氣， 一玩電話就喺度講埋嗰啲考得咁差都玩電話嗰啲嘢…我細佬同我同一間小學，成績比我以前全級差三四十名，但完全鬧都冇鬧，心理真係勁唔平衡。前一陣放假想買部Switch返嚟玩動森，佢死都唔俾，我自己俾錢都唔俾，同我講要考全級10名先比我買…我細佬同我阿媽講聲已經換咗iPhone 12 ，我仲用緊6+，仲要本身已經係二手嘅，同佢講換電話，又係同我講要考全級10名…我同我細佬嘈交佢永遠都幫我細佬，宜家咩年代，佢只比我細三年，同我講大讓細…
佢仲成日冷暴力我，我同佢嘈交，唔夠我坳，佢就係屋企對我視若無睹，細個唔幫我簽通告，大個就唔煮飯俾我食，佢仲冇支持過我任何野，我鍾意唱歌，參加學校合唱團，佢就係我每日練歌遲返屋企之後，又會喺度諷刺我，講埋嗰啲做呢啲嘢做乜，老師話我口才好，但我入辯論隊，去參加比賽嗰陣，人哋啲家長都會去打氣，佢真心從來冇嚟過，就算最後拎埋最佳辯手，佢都會覺得我係撞彩，真係好無奈，佢仲要成日係啲親戚朋友面前講我壞話，仲要係我面前講，你想我比乜嘢反應你，我真係勁撚尷尬…仲話我一嘈交就翻舊帳，但真係好難唔翻，我翻舊帳都係因為以前嘅事冇一個完存解決，可能係因為以上嗰啲原因，細過我都可以話佢教我功課，但大個咗之後，我真係諗唔到有啲乜嘢同佢有交流，而家嘅佢對我來講最多只係我細佬嘅保母，我真係唔鍾意我老母，真心完全冇對佢有任何感情，睇人哋啲作文嗰啲講自己阿媽離開自己，覺得好傷心嗰啲作文，我真心內心毫無波瀾，衰啲講句，有一日我阿媽死咗，我應該喊唔出，我知有人會話我冷血，但真係好辛苦，真心一啲感情都冇….