#NSS學校
[Guest] 大家好，小妹喺今年年頭移民咗嚟英國🇬🇧
最近開咗學想分享下自己嘅心得，等其他準備過嚟嘅人參考下
純分享，長文慎入⚠️
–
–
我今年14，喺英國讀year9
我好好彩地派到一間outstanding嘅女校。
本來以為啲同學都係好靜好乖嗰啲type嚟。
點知我一入到課室，啲同學即刻好熱鬧咁say hi
個個都主動嚟打招呼，佢哋通常以為我係喺其他英國嘅學校轉過嚟。當我講我im from hk嘅時候佢哋全部都會嚇親
–
間學校嘅模式同香港嘅係完全唔一樣（可能淨係我嗰間，不能作準）
我哋上堂之前會stay喺一間課室度，但係課室裡面嗰啲人未必係同你同班，打鐘之後就各自去自己課室。
我哋學校有分8個set（好似香港嘅class ABC咁），就算係同一個set，個timetable都未必完全一樣，即係可能而家你同我一齊上history，我嘅下一堂係maths 你嘅下一堂可能係science
（係超級無敵亂）
–
我返學之前都有聽過啲人話種族歧視之類嘅問題
但係間學校都有幾多黑人同啡種（？人，大概佔6成左右，所以個個見到我都只會因為我係new student而興奮而唔會排斥你
（可能因為我嗰間係女校，男女校就未必，因為隔離學校啲男仔都幾曳下🤥）
–
仲有就係英國嘅數學係超級無敵簡單，
我year9都仲係教緊form2嘅數。
個重點係 隔離啲人見到你啱曬嘅時候都會覺得好surprised，嗰下真心爽lol
我自己覺得跟得最難嘅係science，第一我science本身已經廢，
第二我個science teacher係印度人（有口音嗰隻）
所以我真心聽唔明佢講咩，我已經上咗幾堂都唔知佢教緊乜。
反而英文我就覺得唔係好難，可能因為我自己本身都係英文科好過中文科嗰種人嚟，所以都唔會話catch得好辛苦👌🏻
–
最後就係全部學生都會戴口罩，不過有啲人可能喺講嘢嘅時候會拉低佢
其實我哋學校開學之前每個學生都有做過covid test，所以我真係唔擔心（不過個test唔係每間學校都有）
除咗食lunch嗰陣小心啲之外都冇乜嘢要驚
我建議見到人哋冇戴口罩嘅時候都唔好太大反應，畢竟我哋嘅文化唔同。做好自己本分，戴好個口罩唔好徐就已經ok
–
–
其實你上堂唔識都冇乜所謂，隔離嗰個見到係一定會主動幫你。
希望我篇嘢可以解決到某啲人嘅煩惱，
有啲嘢好難解釋得太詳細，如果想交流下嘅話我可以dm你😛
我文筆好差，sor for 1999