#NSS學校
[GUEST] Hello大家好，最近有啲嘢令小妹好困擾，希望大家可以俾啲意見我，Sorry for 1999啦
小妹初中，咁大約係四月頭左右，我班有個男仔番學途中見到我，於是佢就跑過嚟我度之後就嗌一聲’BOOM’嚇我，咁之後我又嗌咗聲’BOOM’嚇番佢（我哋嚇大家都只係細細聲咁嚇）從此之後我哋日日返學都會互嚇大家，同學們都以為我哋一齊咗，我對佢都有小小feel。
咁之後個男仔都對我好好，例如：老師叫我幫手搵某個老師嘅時候佢會同我一齊搵、放學會同我一齊行、會教我功課等等，佢啲兄弟都話我哋係互相鐘意大家，但係我想同佢行好遠，如果由初中就拍拖肯定好快就會厭，最後只會錯過，所以我想等大啲先同佢表明自己嘅心意。
問題嚟啦，咁佢隔離有個女仔，佢後面又有個女仔，而我就係坐佢後面個女仔嘅後面。咁就係前幾日，我見到坐係佢隔離嘅女仔成日都問佢借嘢，又借筆又借書又借功課抄咁，仲要成日都借，搞到小妹有啲唔開心🙁除此之外，我仲見到佢上堂嘅時候成日望向後面，唔知佢係咪望緊佢後面個女仔呢qwq因為佢後面個女仔都幾靚女下嘅。就係嗰陣時，個男仔都好少同我放學，我哋之間少咗交流，亦都冇互嚇大家，我唔知點算好，我好想去返之前同佢互嚇大家嘅時候，我真係想同佢行好遠好遠…
希望大家可以俾意見我qwq你哋嘅comments我會認真睇哂㗎～ sorry for 1999