#NSS個人
[guest] 小妹 14歲 中三 鍾意玩但冇friend 陪我
咁我自己本身就係一個內向嘅人啦 但係其實我都好鍾意同啲朋友傾偈或者約出街玩 但係鑒於我好內向嘅關係 未試過主動約人哋或者同人哋傾偈 本身都有幾個好好嘅朋友 但係佢哋全部都移民 依家淨返我一個
係我而家個班入邊 我基本上一個人都唔識 我的確有嘗試過去討好下人哋嘅興趣 令到我哋有相同話題 但係作為一個唔追星 唔煲劇嘅人 的確好難融入到佢哋 搞到我而家每次要分組做grp project 都好驚 因為冇人同我一組
自問平時冇得罪人 依家同啲同學仔都有偈傾 但係就唔知點解同唔到佢哋熟 有一啲分組活動想同佢地一齊 佢哋情願同一啲佢哋唔識嘅人一組都唔係好肯同我一組 之後個Christmas 佢哋成班人諗住一齊出去搞party 其實我都想join 但係冇咁厚面皮問人哋可唔可以一齊
遇到呢啲情況你地會點？
唔該晒 admin ah
第一次投稿 講到一舊一舊 sorry
多謝你哋睇到呢度