#NSS個人
[Guest] 我好似唔見咗身分證。
小妹今年14歲，身分證平時係擺喺銀包，真係太耐冇攞出嚟，所以一直都冇發覺唔見，上次攞出嚟應該係我做強檢嗰陣，係一月嘅事，阿媽最近叫我去打第三針，我預約嘅時候想攞張身份證出嚟，跟住發現唔喺銀包。我做強檢嗰排攞咗個銀包嚟裝其他嘢，原本銀包入邊嘅嘢就擺咗喺櫃桶，我櫃桶都已經搵埋，都係唔見張身份證。
我上網check過，身份證唔見嘅14日內要去入境事務處整返張新嘅，但係我有可能一月嗰陣已經唔見咗，都咁多個月啦會唔會唔比我整返。5月31號之後，第二針打夠六個月嘅人就要去打第三針，我其實一早已經夠六個月，所以阿媽遲早會捉我去打針，雖然唔想但係佢實逼我，到時迫於無奈一定要同佢講我唔見咗身份證，實會鬧我啦。
我呢幾日已經反轉我成間房，但係都搵唔到，真係好崩潰，又唔知點同阿爸阿媽講，有冇人可以俾啲建議我？同埋有冇人知唔見咗身份證超過14日仲可唔可以跟正常程序整返張新嘅身份證？唔該晒大家
sor for 1999