#NSS愛情
[GUEST] 希望抽得中我 如果可以嘅話麻煩admin po ig🥲唔該晒🙇🏻♀️
小妹今年F4，已經有男朋友，但發現自己好似鍾意其他人…
麻煩各位睇到呢度唔好屌住先，希望你哋嘗試理解一下我嘅感受🥲 其實我都唔想咁樣鍾意其他人，但感情呢回事有啲難控制。
我同男朋友一齊咗3個月都冇，但發現自己好似鍾意咗一個唔太熟嘅「frd」。嗰個人係我幼稚園同學，亦都可以話係我嘅青梅竹馬（下文簡稱A）。因為大家父母好熟，成日會玩埋一齊；即使小學到而家都唔同學校，父母間唔中會帶埋我哋約出嚟一齊食飯。我由細細個已經開始對佢有好感，甚至鍾意佢。（唔好問我點解咁細個會鍾意人😅）但係自從小學3/4年班後，我哋突然變得好生疏。過再1-2年後，我突然自己原來由細到大都鍾意佢，但可惜我哋而家一啲都唔熟。（甚至係冇對方ig）
我同A因為補習每星期都會見一次。但係，事關我哋唔係一齊坐，我哋幾乎唔會同對方講嘢。我真係好唔鍾意呢種明明本身好熟但而家好似陌生人嘅關係。
正題嚟啦，冇耐前，我覺得自己好似開始對佢少咗feel；但同一時間，因為同我男朋友傾得好埋，對佢有好感。後來，佢同我表白，我都因為對佢有好感而應承咗佢。但係，後來我發現自己好似對A仲有啲感情，好似仲鍾意佢咁。我覺得自己好對我男朋友唔住，只怪我當時太衝動，根本冇認真理解自己感情。
當然，我而家對男朋友仲有感情，但對A嘅感情好似更洶湧澎湃。如果我同男朋友分手，佢一定會好hurt，所以我都未決定點。我都唔知而家點算好，淨係覺得好對我男朋友唔住。我都唔想發生啲咁嘅事，但感情真係唔係話你想點就點。我試過好努力無視我對A嘅感情，專注喺男朋友度，但都係唔成功。希望大家唔好屌得咁勁，俾少少意見我thx🥲🥲
sor for 1999