#NSS個人
[Guest] 小妹F2 可以話係對自己由頭到腳都咁自卑 好似冇乜優點。
成日覺得自己個頭好7 有好多暗瘡 眼細 唔識襯衫 矮 肥 冇朋友 樣衰…而且身邊嘅人都好有錢 我覺得自己屋企都唔算真係好窮 已經滿足 但有時都係會羨慕。
小學嘅時候已經係咁自卑 嗰陣成績係全級頭十 所以算係唯一一樣唔自卑嘅嘢 不過上咗中學當然乜都唔同晒，喺班排最尾嗰幾個完全唔出奇 而且唔知點解 同我傾得埋嘅朋友全部都係又高又有錢又靚女 成績喺班上前幾。
有時朋友同我講佢哋退步咗 佢哋肥咗 佢哋唔高 或者係佢哋好窮我都會更加自卑，我知佢哋梗係真心唔開心先同我傾訴 但係我會有種畀人寸嘅感覺..（冇怪落佢哋度！！）但係我真係日日都咁自卑🥲可以點算好
同埋我太在意人哋嘅目光 我成日諗根本冇人care我 但係又好驚人哋覺得我點🥲🥲
有冇辦法可以冇咁自卑..