#NSS愛情
[沙田區某學校] 記得係我地f2嘅時候
我地意外地分到同一班，而且一齊坐
一開始對你冇好感
就覺得你係成績幾好，唔多講野嘅人
經過呢一年嘅相處
我發現你係一個好幽默而且cute嘅人
我有功課唔識你會耐心咁教我
老師抽中我答問題，我唔識你都會幫我答
你亦都會日日同我傾計，包括線上線下
我地亦曾經一齊去過一次學校嘅外國交流團
嗰陣時你你去邊我去邊
一齊食嘢一齊行街一齊去各個地方
係人地眼中我地就係情侶
而我都係呢段時間鍾意左你
時光飛逝
f2完結左，好幸運地，f3我地都係同一班
我地照樣日日傾計，訴說心事
你同我講過你喜歡靚女，而且鍾意生的高嘅人
所以我就努力改變自己
令我變成你心目中嘅模樣
好景不長
有一日，你突然同我講你要轉校
嗰陣時嘅我知道你係因為屋企人工作嘅原因先要轉校
雖然心裡面萬分不捨，但都只能望住到伶一間學校
見到你去到新嘅地方，有陌生嘅同學
我都有每個禮拜問候你幾句
過左兩個月左右
我見到你嘅IG動態裡面成日出現一個女仔
見到你成日po你地一齊打機嘅動態
而且你又靜係like佢啲post
我慢慢意識到，呢個女仔可能係我嘅敵人
我有觀察到呢個女仔嘅IG post
見到大部分都有你嘅出現
雖然心裡面知道佢可能係你女朋友
但我依然懷著最後嘅希望
因為畢竟我地經歷左咁多嘢
你應該唔可能咁快就有女朋友掛
而係琴日你嘅生日
你同佢出左一個post
係正式宣佈你地男女朋友嘅關係
嗰下我嘅內心崩塌左
我地經歷左大大少少嘅事情
竟然比唔過一個識左兩個月嘅人
雖然我知道你有女朋友呢個事實
但我都係好難接受
我只好少啲搵你傾計
並祝你幸福。
sor for1999
admin please po IG